logoPNG2

Улаанбаатар Барилга ХХК

since 1937

Бидний зорилго Бидний түүх

Бид хэн бэ?

БНМАУ-ын Сайд нарын зөвлөлийн 1937 оны арванхоёрдугаар сарын 15-ны өдрийн 33 дугаар хурлын тогтоолоор Улсын барилга трест байгуулагдсанаар өнөөгийн “Улаанбаатар барилга” компанийн эхлэл тавигджээ. Монгол Улсын нийслэл Улаанбаатар хотыг барьж байгуулах ажилд ихээхэн хувь нэмэр оруулсан энэ трест 1990 оноос “Улаанбаатар барилга” компани гэсэн нэрээр ажиллаж эхэлжээ. Өнгөрсөн 79 жилийн хугацаанд энэ хамт олон 1600 гаруй барилга объект барьсны 1400 орчим нь нийслэл хотдоо байдаг төдийгүй барилгын ажил эрчимтэй өрнөж байсан 1965-1990-ээд оны хооронд нийслэл хотод баригдсан сургууль, эмнэлэг, иргэн олон нийтийн зориулалтын барилгуудын 50-80 хүртэл хувь нь манай хамт олны бүтээн байгуулалт бөгөөд 2007 оноос Япон Улсын барилгачидтай хамтран ажиллаж байгаа юм. Мөн 2013 оноос эхлэн Монголын барилгын салбарын тэргүүлэх нэгдэл болох “Үндэсний Бүтээн Байгуулалтын Корпораци”-ийн гишүүн компани болон ажиллаж Монгол улсын томоохон төслүүдийг хийж гүйцэтгэж байна. 

Олон нийтийн барилгаас бид хамгийн сүүлд ХУД-ийн 1-р хороонд 640 хүүхдийн сургууль, БЗД-ийн 9-р хороонд 75 хүүхдийн цэцэрлэг барьж ашиглалтад өгөв. Монголын барилгын үйлдвэрлэлийн салбарт нэвтрэн хэрэгжиж ирсэн олон туршлага, шинэ санаа, сайн үйлс бүхэн манай байгууллагаас эхлэлтэй билээ. Үүний нэгэн тод жишээ нь, манай байгууллагаас Монгол улсын хөдөлмөрийн баатар 7, төрийн шагналтан 4, гавъяат барилгачин 4, төрийн одон мeдальтан 700 гаруй төрж гарсан. Одоо манай байгууллагад 200 орчим хүн ажиллаж байгаагаас 40 орчим нь инжeнeр тeхникийн ажилтнууд юм. “Улаанбаатар барилга” ХХК-д Техникийн ШУ-ны дэд доктор 1, Монгол улсын зөвлөх инжeнeр 4, тэргүүлэх эдийн засагч 1, мэргэшсэн төсөвчин 4, магистр инжeнeрүүд бий. Бид хүсэл зорилго, эв санаагаа нэгтгэн барилгын үйлдвэрлэлд дэвшилтэт тeхнологийг өргөнөөр нэвтрүүлэх, барилгыг тeхнологийн дагуу мэргэжлийн өндөр түвшинд чанартай, найдвартай барих явдлыг гол зарчмаа болгон ажиллаж байна.

Бид юу хийдэг вэ?

 

2

Барилга угсралт

Манай компани нь 16 давхар болон түүнээс дээш бүх төрлийн барилга байгууламж, төмөр бетон гүүр, хайрган хучилттай зам барих хүчин чадалтай. Бид бүрэн цутгамал, каркасан болон металл хийцийн барилга байгууламжуудыг чанарын өндөр түвшинд хийж гүйцэтгэх хүчин чадалтай бөгөөд нисэх онгоцны буудал, гүүр, хил гаалийн обьектууд, эмнэлэг, сургууль, цэцэрлэг зэрэг олон нийтийн барилга байгууламжийн бүтээн байгуулалтад сүүлийн 20-иод жилд дагнан ажилласан ба 2007 оноос  эхлэн Япон улсын барилгачидтай хамтран ажиллаж байгаа.

Барилгын материал

Япончуудтай хамтран ажилласан туршлагадаа тулгуурлан "Улаанбаатар барилга" ХХК-ийн хамт олон барилга, зам гүүр тохижилтын угсармал төмөр бетон, бетон эдлэлүүд хийх ба түүний дотроос замын ердийн болон L хэлбэрийн хашлага, авто замын ус зайлуулах иж бүрэн систем /ус зайлуулах суваг, цуглуулах худаг, таг, гүүрийн далангийн хашлага хавтан /Skin Plate/ зэрэг хийц эдлэлийг Япон болон Монгол стандартын дагуу үйлдвэрлэж байна. Түүнчлэн барилгын материалын үйлдвэрлэлийн хүрээнд өндөр маркийн бетон зуурмаг, дүүргэгч материал, хайрга, дайрга, элс бутлан ангилах, арматур төмөр хийцийн боловсруулалт зэргийг эрхэлж байна.

Машин механизм

Өөрийн компанийн барилга угсралт, үйлдвэрлэлийн хэрэгцээг бүрэн хангах тээвэрлэх, өргөх, ухах, түрэх, нягтруулах үйл ажиллагааны машин механизмаар бүрэн хангагдсан. Мөн түүнчлэн гэрээгээр түрээслүүлэх, ашиглуулах, тусгай газар шорооны ажил хийх бүрэн хүчин чадалтай.